Hulk Hogan 'Fake' aiteka Lagos, apata mapokezi na ulinzi wa kitemi

Vyombo vya habari vya Nigeria vimeripoti habari kuhusu uwepo wa mwanamieleka mkongwe, Hulk Hogan katika jiji la Lagos. Ingawa kwa muonekano anaonekana ndiye lakini inaelezwa kuwa mtu huyo sio Hulk Hogan halisi.
Mtu huyo ameonekana akizunguka mitaa akiwa juu ya gari huku umati wa mashabiki ukimfuata na amepewa ulinzi mkali wa polisi ambao ni vigumu kuamini kuwa ni kweli atakuwa fake.
Mitandao ya Nigeria imeeleza kuwa, Hulk Hogan halisi hajafika Nigeria na kwamba inawezekana kabisa kuna mtu amefanya mchongo huo ili kuwaibia watu.

Taarifa za Hulk Hogan Fake zimefananishwa na zile za PSY wa Gangnam Style aliyewahi kuingia nchini humo na kupewa mapokezi na matunzo ya daraja la kwanza kabla hajajulikana kuwa sio PSY halisi.

Kilichomuumbua PSY huyo ambaye ilikuwa vigumu kumtofautisha, ni pale PSY halisi alipoonekana akiga show Marekani siku hiyo hiyo.
Hapo hali ilibadilika Lagos kwa PSY aliyekuwepo na alikamatwa na vyombo vya usalama.

PSY halisi(kushoto), PSY fake (Kulia/mwenye koti jeusi)